Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Alcuentros poéticos nel Antiguu Institutu: Susana Sela Rodríguez

Susana Sela
Centru de Cultura Antiguuu Institutu. Sala de conferencies. Vienres 8 de mayu a les 20.00 hores


Presenta: Daniel García de La Cuesta

Música: Luis Núñez

Susana Sela Rodríguez ñació n’Uviéu nel 1968, pero ye avilesina de vivencia. Nel 2004 algama el premiu Fernán Coronas col poemariu Cuantayá que Dios fuxó, editáu por Trabe. Tien delles collaboraciones nel boletín Lletres Asturianes. Ye autora de cuentos pa talleres etnográficos de la Asociación Escontra’l Raigañu y de los testos de «Inda Suenen», escritos xunta con Borja Roces. Nel 2014 autoedita con Amazón el poemariu Ausencies/Ausencias, n’edición billingüe asturianu/castellanu, participa nel poemariu Poética de muyeres, del Grupu Epona, y entama a trabayar col músicu Luis Núñez. Anguañu, ye un componente más del grupu Luis Núñez y los Folganzanes, nel que participa como lletrista.

Poema

Foi una nueche incomprendida,

fería fonda pela que corrí como’l sangre.

Como un páxaru qu’esnala

pelos ríos amarguríos de la impotencia,

escrita con tinta prieto

nes engurries inacabaes de la esperiencia.

Un puntu y aparte,

una nota muda nun pentagrama,

recortada nes solombres,

nel recuerdu enguedeyada.

Y nun fuisti a siguime.

Descosíes les tos botes

de siete llegües,

espetesti los calcaños selemente

nesa muerte rutinaria impertinente.

Y col ánimu resecu del desencantu,

reguerando a pingarates la mio vida,

percorrí sola’l destín ensin futuru.

Y equí sigo, alendando’l desalientu,

esfaciendo la cabeza escontra’l muru.

Organizador Asociaciones culturales “Versos Libres” y “Encadenados”