Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El suelu industrial aumentó al rodio d'un 75% nos caberos 8 años

Votos

(Total de votos recibidos 217)

(Puntuación 2,93)

- Marejada1.jpeg
Xixón ye'l motor industrial d'Asturies, con 6,3 millones de metros cuadraos y un 22 % de los polígonos de toa Asturies
Dende 1999, 260 empreses mercaron parceles o naves industriales nel conceyu xixonés. Con esti envís, emplegaron en nueves instalaciones 477 millones d'euros, qu'afitaron o xeneraron 8.428 emplegos direutos. La inversión pública fizo viable esti desarrollu industrial, qu'algamó los 118 millones d'euros. A lo llargo de 2007, Xixón rexistrará 6,3 millones de metros cuadraos de suelu empobináu a actividaes industriales, lo que quier dicir qu'hebo un crecimientu del 75% dende 1999; entós una docena de polígonos se distribuíen los 3,6 millones de metros cuadraos qu'hebía daquella. Si metemos la futura Zona d'Actividaes Loxístiques e Industriales d'Asturies (ZALIA), Xixón cuntará con 10,3 millones de metros cuadraos de suelu industrial; un 31% de la superficie empobinada a estos usos n'Asturies. ZALIA xenerará 4 millones de metros cuadraos, con un sofitu públicu de 188 millones d'euros y una previsión d'una inversión privada de 765 millones d'euros pa crear 10.800 emplegos, acordies con un estudiu de la Universidá.